Så er det helg igjen, og fyrste helga i september ser ut til å bli ei strålande helg med tanke på veret. Som alltid er det mykje som skjer rundt om i kommunen vår og vi kan mellom anna nemne  kyrkjefest for alle, sopptur, "kom deg ut dag", Reinløpet, familiegudstenester, kyrkjekonsert og kino.

Vi ønskjer alle ei riktig triveleg helg.

Gloppen kommune og Gloppen Næringsorganisasjon inviterer til ope møte om bustadsituasjonen i Gloppen i kommunestyresalen på heradshuset tysdag 7. september kl 19:00-21:30.

- Kor stort er behovet?
- Korleis er leigemarknaden?

- Medrekna kjøpesum, innkjøp av nye maskiner, oppgraderingar av lokala og marketing investerer vi fleire titals millionar kroner i Eurofoto. Vi ventar ein betydeleg omsetnadsvekst, seier administrerande direktør i Japan Photo Norge, Stephan Stein til Firda Tidend.

Eurofoto på Reed er kjøpt opp av Japan Photo, melder både NRK Sogn og Fjordane og avisa Firda.

Haust er kinotid - og ingen ting er som å sette seg godt til rette i salen, og la seg underhalde av ein god film. 

Gloppen kino har mykje å by på framover hausten, det vert filmar for både store og små og vi kan mellom anna nemne Knerten gifter seg, The Expendables, Varg Veum: Skriften på veggen, Wall Street II og Spis Elsk Lev. Kvar tysdag i heile oktober vil det også bli kvalitetsfilm-godbitar.

Politikarane i midtre samlar seg om ferjefri fjordkryssing og utvikling av det som vil kunne bli eit kraftsenter, ja sjølve indrefileten av Nordfjord, melder Fjordabladet på Eid.

Torsdag hadde kommunane Eid og Gloppen felles formannskapsmøte der planane for Nordfjordbrua på E39 mellom Lote og Anda stod sentralt.

Sjå også kva Firda Tidend skriv!

Det går verkeleg unna med rassikringsarbeidet i Hyestranda om dagen. Fem store gravemaskinar, ein dumper og ein flunkande ny 40 tonns bulldozer gjer veg i vellinga.

- Arbeidet går etter planen, vi skal vere ferdige til jul, seier byggjeleiar Sveinung Hovland til Firda Tidend.

Sandane Lufthamn opna i dag etter å ha vore stengd sidan i vår på grunn av utbygging.

- Vi føler at blodpumpa går litt betre i lokalsamfunnet og heile Nordfjord. Eg er utruleg glad for at vi har Widerøe attende. Det har vore månadar der vi har hatt mykje meir tungvint, både oss i Gloppen og folk i heile Nordfjord, seier ordførar Anders Ryssdal til NRK Sogn og Fjordane.

   ...om eg er liten eller stor...
        Kyrkjefest for alle!

I dag er det ein stor dag for Trivselshagen.

Byggetrinn 1 av idrettsdelen er no sett i gong, og i dag vart dette markert med spadetakseremoni.

Etter planen skal dette byggearbeidet vere ferdigstilt i februar 2012.

Den tidlegare kastdronninga Elin Isane gjorde jobben då ho tok NM-sølv i diskos søndag.

Les heile saka på NRK Sogn og Fjordane.