August 2011 skal Breimsbygda IL arrangere hovud-NM i friidrett. Tysdag kveld inviterte leiar i hovudkommiteen, Rolv Kjetil Egge, representantar frå idrettslaga Brodd, STIL, Hyen og Fjellhug/Vereide til informasjons- og drøftingsmøte om arrangementet. Sjå referat frå møtet på Fjellhug/Vereide sine nettsider.

Etter eit langt svangerskap er nettsida www.gloppen.no endeleg på lufta.

Nettsida er eit samarbeid mellom Gloppen kommune og Gloppen Næringsorganisasjon, og har ei klar målsetting: Å marknadsføre Gloppen på ein positiv måte.

- Det er kjekkare å få ein bauta enn ein gravstein! Det er ikkje noko stas å vere ein død Hamsun. Vår fargerike fylkeskunstar Oddvar Torsheim var i storslag då han laurdag fekk nok ein bauta av seg avduka, og han tykte det var ei stor ære når Fridtjof Urdal drog parallellar med Kim Il Sung. Les meir på Firda Tidend sine nettsider.

Knut Ove Førde (46) frå Byrkjelo er ein av jegerane som er plukka ut til å vere med i boka "Hjortejegerne - 10 jegere, 10 metoder". Boka set fokus på opplevingane og det store privilegiet det er å jakte. Jakthistorier, jakttips og faktastoff er det også rikeleg av. Les meir på Firda Tidend sine nettsider.

Per Walmsnæss driv sitt eige ølbryggjeri på Rena. I regi av Sandane Næringshage og Gloppen Hotell kjem han til Sandane 17. november for å fortelje om verksemda han driv. - Vi håpar han kan inspirere nokon i Gloppen til å skape eit mikrobryggjeri, seier Ole-Kristian Fagerås. Les meir på Firda Tidend sine nettsider.