Kommunen har lange idrettstradisjonar, og ei rekkje aktive idrettslag og klubbar.
- Breimsbygda Idrettslag
- Sandane Turn og Idrettslag
- BRODD
- Hyen IL
- Fjellhug/Vereide
- Gloppen Friidrettslag
- Gloppen handballklubb
- Sandane Golfklubb
Det finst også ei rekkje andre spennande lag og klubbar knytt til aktivitetar som golf, padling, sjakk, skyting, frimerke, ungdomslagsarbeid eller lokalhistorie.
Her finn du ei fullstendig oversikt over lag og organisasjonar.
Nærleiken til fjorden og fjellet opnar for flotte turar, om det er i båt, på ski, til fots eller på sykkel. Her finst oppmerka stiar og skianlegg med preparerte løyper, m.a Breimsbygda skisenter på Utvikfjellet.
Med base på Nordfjord Folkehøgskule på Vereide tilbyr Nordfjord Adventure guida turar i Gloppen, om det no er med kajakk, til fots, på sykkel, med kano eller båt.
Det er fleire aktørar i Gloppen som tilbyr jakt, sjekk t.d. nettstaden www.hjortejakt.com, og kommunen har ei rekke jakt-, fiske- og skyttarlag. Gloppen er også eit eldorado for ørretfiske, med over 130 fiskevatn.
Det er fire lakseførande vassdrag/elvar i Gloppen. Aa/Ommedalselva, Gloppenelva, Straumselva/Hopselva og Ryggjaelva.
På Breim ligg Norsk Fjordhestgard, eit aktivitetssenter for fjordhest. Fjordhestgarden har 27 stallplassar, grusbane, ridebane og ridehall, og er avlsstasjon for fjordhestlaget i Nordfjord. Dei tilbyr ridetimar, rideleir og kurs i stell av hest. Tilboda er også tilrettelagt for menneske med ulike funksjonshemmingar. Fordhestgarden er også arena for ei rekkje arrangement som t.d. Norsk Countrytreff.
Det finst tre flotte sandvolleyballbaner i Gloppen, den eine på Gloppen ungdomsskule, ei bane ligg i Vikja i Hyen, og den tredje på Rygg. Banene er opne for alle.