Den som lokkar flest tilreisande til kommunen er Norsk Country Treff på Breim, som kvart år samlar tusenvis av publikummarar frå inn- og utland. Men Gloppen kan også lokke med ei rekkje andre musikalske arrangement, blant anna tradisjonsrike Glopperock og nykomaren Gloppen Musikkfest, som satsar på klassisk musikk.
Like ved det nye kulturhuset Trivselshagen og idrettshallen ligg Nordfjord Folkemuseum, eit distriktsmuseum for Nordfjord. Museet tek vare på gamle hus, gjenstandar og anna kulturhistorisk materiale frå dei yste kystbygdene til dei inste jordbruksbygdene, og har i tillegg tematisk ansvar knytt til vasskraft i Sogn og Fjordane.
Gloppen har også eit breitt utval av frivillig drive kulturtilbod, med ei rekkje korps, musikklag, folkedansgrupper og sogelag.
Her finn du ei fullstendig oversikt over lag og organisasjonar i Gloppen.